CHODAVARAMNET: Egg Recipes

Showing posts with label Egg Recipes - Telugu. Show all posts

Thursday, 5 September 2019

HEALTHY RECIPE - EGG PAROTA

Saturday, 13 August 2016

GUDDU BANGALADUMPA MASALA TELUGU RECIPE - EGG POTATO MASALA RECIPE

గుడ్డు, బంగాళాదుంప మసాలా

కావల్సినవి:
ఉడికించిన గుడ్లు - ఐదు, బంగాళాదుంప, ఉల్లిపాయ - పెద్దవి ఒక్కోటి చొప్పున, పచ్చిమిర్చి - ఐదు, అల్లం, వెల్లుల్లి ముద్ద - ఒకటిన్నర చెంచా, ధనియాలపొడి - రెండు చెంచాలు, పసుపు - పావుచెంచా, సోంపు పొడి - అరచెంచా, గరంమసాలా - చిటికెడు, చిక్కని కొబ్బరిపాలు - రెండు కప్పులు, జీడిపప్పు ముద్ద - టేబుల్‌స్పూను, ఉప్పు - తగినంత, నూనె - పావుకప్పు.

తయారీ:
బాణలిని పొయ్యిమీద పెట్టి నూనె వేడిచేసి ఉల్లిపాయ ముక్కలూ, తగినంత ఉప్పూ వేయాలి. అవి ఎర్రగా వేగాక నిలువుగా తరిగిన పచ్చిమిర్చి, అల్లంవెల్లుల్లి ముద్ద వేసి వేయించాలి. రెండు నిమిషాల తరవాత గరంమసాలా, ధనియాలపొడీ, పసుపూ, సోంపుపొడీ, జీడిపప్పు ముద్దా, ఉడికించిన బంగాళాదుంప ముక్కలూ, చిక్కని కొబ్బరిపాలూ వేసేయాలి. కాసేపటికి కొబ్బరిపాలు ఉడుకుతాయి. అప్పుడు మంట తగ్గించి ఉడికించి పెట్టుకున్న గుడ్లను మధ్యకు కోసి అందులో వేయాలి. ఇది గ్రేవీలా తయారయ్యాక దింపేయాలి.

Wednesday, 16 March 2016

EGG DRUMSTICKS TASTY RECIPE - GUDLU MULAKADALU KURA

గుడ్లు ములక్కాడలు కూర

కావలసిన పదార్దాలు :
గుడ్లు : ఆరు
ములక్కాడలు : నాలుగు
ఉల్లిపాయలు : మూడు
పచ్చిమిర్చి : మూడు
కారం : టీ స్పూన్
ఉప్పు : తగినంత
అల్లం వెల్లుల్లి పేస్టు : టీ స్పూన్
గరం మసాలా : అర టీ స్పూన్
చింతపండు : నిమ్మకాయంత
కరివేపాకు : రెండు రెమ్మలు
పసుపు : పావు టీ స్పూన్
నూనె : మూడు టేబుల్ స్పూన్లు
కొత్తిమీర : కొద్దిగా
టమాటాలు : రెండు

తయారుచేయు విధానం:-
1) గుడ్లు ఉడికించి వలిచి పక్కన పెట్టాలి. ములక్కాడలు, ఉల్లిపాయలు, పచ్చిమిర్చి, టమాటాలు ముక్కలుగా కట్ చెయ్యాలి.

2) స్టవ్ వెలిగించి కళాయి పెట్టి నూనె వేడిచెయ్యాలి. నూనె కాగాక గుడ్లుకి అక్కడక్కడ గాట్లుపెట్టి వేయించి తియ్యాలి.

3) అదే నూనెలో ఉల్లి ముక్కలు, పచ్చిమిర్చి ముక్కలు వేయించాలి. తరువాత అల్లం-వేల్లుల్లి పేస్టు వేసి వేగిన తరువాత టమాటముక్కలు వేసి మగ్గిన తరువాత ములక్కాడముక్కలు వేసి కలిపి, ఒక నిముషం మూతపెట్టాలి.

4) ఇప్పుడు మూతతీసి ఉప్పు, కారం, పసుపు వేసి కలిపి కొద్దిగా నీళ్ళు పోసి మూతపెట్టి ఐదు నిముషాలు ఉడకనివ్వాలి. తరువాత చింతపండు రసం, గుడ్లు వేసి మరో ఐదు నిముషాలు ఉడకనివ్వాలి. ఇప్పుడు మసాలా, కొత్తిమీర వేసి కలిపి స్టవ్ ఆపాలి.

Monday, 29 December 2014

EVENING SPECIAL EGG PANNEER KURMA RECIPE IN TELUGU

పన్నీర్ ఎగ్ కుర్మా::

కావల్సిన పదార్థాలు:
గుడ్లు: 4(ఉడికించి పెట్టుకోవాలి)
ఉల్లిపాయ : 1
టమోటో గుజ్జు: 1/2
వెల్లుల్లి రెబ్బలు: 3-4
అల్లం: కొద్దిగా
పచ్చిమిర్చి: 2
కొత్తిమీర తరుగు: 2tbsp
ఉప్పు: రుచికి సరిపడా
కారం: 1tbsp
పసుపు : కొద్దిగా
ధనియాల పొడి: 1/2tsp
గరం మసాల: 1tsp
వెజిటేబుల్ ఆయిల్ లేదా నెయ్యి 2-3tbsp
పచ్చిబఠానీలు: 1cup లేదా పన్నీర్: 250grms

తయారుచేయు విధానం:
1. ముందుగా గుడ్డును ఉడకబెట్టి, పొట్టు తొలగించి పక్కన పెట్టుకోవాలి.
2. తర్వాత మిక్సీ జార్ లో ఉల్లిపాయ, అల్లం వెల్లుల్లి, మరియు పచ్చిమిర్చి కూడా వేసి మెత్తగా పేస్ట్ చేసుకోవాలి.
3. పాన్ లో కొద్దిగా నూనె వేసి కాగిన తర్వాత అందులో అల్లం వెల్లుల్లి పేస్ట్ కూడా వేసి ఉల్లిపాయలు బ్రౌన్ కలర్ వచ్చే వరకూ వేగించాలి.
4. ఇప్పుడు అందులోనే మసాలాలు(ఉప్పు, పసుపు, కొత్తిమీర మరియు కారం)గరం మసాలా తప్ప మిగిలిన మసాలాలన్నింటిని వేసి ఒక నిముషం వేగించుకోవాలి. నూనె తేలే వరకూ ఫ్రై చేసుకోవాలి.
5. తర్వాత ఒక కప్పు నీళ్ళు పోసి, నీరు ఇమిరిపోయే వరకూ ఉడికించుకోవాలి.
6. ఇప్పుడు అందులోనే ముందుగా ఫ్రై చేసుకొన్న పన్నీర్ తురుము లేదా పచ్చిబఠానీలను వేసి బాగా మిక్స్ చేయాలి.
7. కొద్దిసేపు ఉడికిన తర్వాత అందులోనే ఒక కప్పు నీళ్ళు పోసి బాగా ఉడికించుకోవాలి. దింపుకోవడానికి ముందు 10నిముషాలు సిమ్ లో ఉంచాలి . చివరగా గరం మసాలా మరియు కొత్తిమీర తరుగుతో గార్నిష్ చేసి పరోటా, రోటి లేదా రైస్ తో సర్వ్ చేయాలి. అంతే పనీర్ ఎగ్ కుర్మా రెడీ.