DEEPAM - LAKSHMI SWAROOPAM - SRAVANAMASAM FESTIVAL 2017 TELUGU ARTICLES

దీపం ....లక్ష్మి స్వరూపం 
*************************
జ్యోతిని పరబ్రహ్మ. స్వరూపంగా 
ఉపాసించే సంస్కృతి మన భారతీయులకు
మాత్రమే సొంతం ఉభయ సంధ్యలలో ప్రతి
ముంగిట్లో దీపారాధన. విధిగా చేయాలని మన
పెద్దలు చెప్తుంటారు ,

దీపాన్ని శివస్వరూపంగా .... లక్ష్మీ
స్వరూపంగా కూడా భావిస్తూ స్థుతిస్థుంటారు.

చూడోత్తంసిదారు చస్థ్రకలికా చంచచ్చిఖా
భాస్వరో
లీలాదగ్దవిలోల. కామశలభః
అస్తః స్పూర్జదపారమోహతిమిర
ప్రాగ్ర్బర. ముచ్చటైన
శ్చేతస్సద్మని యోగినాం
విజయతే జ్ఞాన. ప్రదీపో హరః !!

శివుని దీపజ్యోతిగా భావించి చేసిన. స్తుతి
ఇది , ఈ. జ్యోతి శిరస్సుపై చంద్రుడు శిఖగా
ప్రకాశిస్తున్నాడు , ఈ. జ్యోతి మన్మథుడనే
మిడతిని దగ్ధం చేసింది , శుభకరమైన
వత్తి కొనచే ప్రకాశిస్తోంది ...

మన. అంతంకరణంలో ఉండే , జన్మ
జన్మార్జితమైన. మోహాంధకారపు భారాన్ని
పోగొడుతోంది , యోగుల. హృదయ. గృహాలలో వెలుగుతున్న. జ్ఞాన ప్రకాశమైన
" శివుడు " అనే జ్యోతికి విజయమగుగాక. !!
అనగా ఈ. శివజ్యోతి ఆర్యులలో
ప్రస్పుటంగా ప్రకాశించుగాక. ! ......

ఇంత. చక్కగా జ్యోతిర్లింగ. స్వరూపుడైన
శివుని తేజోమయమూర్తిని " దీపజ్యోతి " గా.
దర్షించి ఈ. శ్లోకాన్ని రచించిన. కవి --
" భర్తృహరి " ఆయన. సుభాషితాలలోని
" వైరాగ్య శతకం " " మంగళాచరణం " గా
ఈ. శ్లోకంతో ప్రారంభమయ్యింది ..

ఈ. స్తుతి దీపారాధన. యొక్క. ప్రాచీనతను .
వైశిష్థ్యాన్ని మనకు కళ్ళకు కట్టినట్లు
వివరిస్తుంది . దీపారాధన. మన. హైందవ
ఆచార. ధర్మాలలో ఒక. భాగం --
మాత్రమేకాదు . అది ప్రధానమైనదికూడా ...
దీపం యొక్క. గొప్పతనాన్ని మన
పూర్వీకులు ఏనాడో గమనించారు
కనుకనే దానిని మనం ప్రతినిత్యం
ఆరాదించాలని కొన్ని విధివిధానాలను
మనకు సూచించారు ....

దీపం ఎప్పుడు వెలిగించాలి ?
???????????????????????

ఉభయ. సంధ్యల్లో దీపారాధన. చేయాలని
మన. పెద్దలు చెప్తారు ..
అంటే ప్రాతఃకాలంలోనూ ....
సంధ్యా సమయంలోనూ దీపారాధన
చేయాలి

సూర్యోదయం అయిన. తరువాత. ఒక
ముహూర్తకాలంలోపు అంటే 48. ని || ల
కాలంలోపుగా దీపారాధన. చేయడం
ఉత్తమం ..
అలాగే సూర్యాస్తమయ. కాలం తర్వాత
ఒక ముహూర్తకాలంలోపుగా దీపారాధన
చేయడం ఉత్తమం ..
కాలాతీతమైన. తర్వాత. చేసే దీపారాధన
ఏ. ఫలితం ఇవ్వదని శ్రాస్త్రం
మిట్ట. మధ్యాహ్నం వేళ. దీపారాధన
చేయరాదంటారు. ఇది నిత్య దీపారాధనకు
మాత్రమే పండుగలు పర్వదినాలు .
సుముహూర్తాన. చేసే శుభకార్యాలు .
పుణ్యక్షేత్రతీర్థాలలో చేసే దీపారాధనలకు
వర్తించదు
అలాగే ప్రత్యేక. సందర్భాలలో చేసే --
నోములు వ్రతాలు పూజలు వంటి వాటికి
కూడా ఈ. నియమం వర్తించదు ..

నిత్యపూజకు .....
సింహద్వారం ముందు .... పెరటిలో
తులసికోట. ముందు చేసే దీపారాధన
మాత్రం ఉభయ సంధ్యలో ఈ. విధంగా
చేయటం ఉత్తమోత్తమమని శాస్త్రసారం 

VARALAKSHMI VRATHAM AMMAVARU

IMPORTANCE OF PUJA ON THE OCCASION OF SRAVANA SUKRUVARAM - GODDESS LAKSHMI PUJA IN SRAVANA MASAM SPECIAL ARTICLE IN TELUGU

శ్రావణ శుక్రవారం నాడు మహాలక్ష్మీని పూజించడం ద్వారా దీర్ఘసుమంగళీ ప్రాప్తం చేకూరుతుంది. శ్రావణ మాసంలో వచ్చే రెండవ శుక్రవారం రోజున లేదా ప్రతి శుక్రవారం నాడు మహిళలు నిష్ఠతో మహాలక్ష్మిని పూజిస్తే సిరిసంపదలు వెల్లివిరుస్తాయని విశ్వాసం ముఖ్యంగా శ్రావణ రెండో శుక్రవారం మహిళలు వరలక్ష్మి వ్రతాన్ని అత్యంత భక్తి శ్రద్ధలతో జరుపుకుంటారు.

పెళ్ళైన తర్వాత వచ్చే తొలి శ్రావణంలో నవ వధువులతో తప్పనిసరిగా ఈ వ్రతం చేయిస్తారు. ఈ వ్రతం చేయడం వల్ల భర్త ఆరోగ్యం, ఆయుష్యు బాగుంటుందని మహిళల విశ్వాసం. వ్రతం చేసిన ముత్తైదువులు తోటి ముత్తైదువులకు పూర్ణాలు, గారెలతో వాయినాలిచ్చి ఆశీస్సులు తీసుకుంటారు. మహాలక్ష్మి విగ్రహాన్ని అందంగా అలంకరణ చేసి పేరంటాలను పిలిచి తాంబూళం, శెనగలు ఇస్తారు. ప్రతి ముత్తైదువును మహాలక్ష్మి రూపంగాదలిచి గౌరవిస్తారు.

శ్రావణ మాసంలో గోవులు, తామరపుష్పాలు, పాడిపంటలు, ఏనుగులు, అద్దాలు, శంఖనాదం, ఘంటారావం, హరిహరార్చన, పూజామందిరం, సర్వదేవతలనూ అర్చించే వారి స్వరం, తులసి ఉన్న ప్రదేశం, పువ్వులు, పండ్లతోటలు, మంగళకరమైన వస్తువులు, మంగళవాద్యాలు, దీపకాంతులు, కర్పూర హారతి, చెట్లలోని హరిత వర్ణం, స్నేహం, ఆరోగ్యం, ధర్మబుద్ధి, న్యాయస్థానాలు, శుచి, శుభ్రత, సదాచార పరాయణత, సౌమ్యగుణం, స్త్రీలు ఎటువంటి చీకూచింతా లేకుండా హాయిగా ఉండే ఇళ్లు, బ్రాహ్మణులు, విద్వాంసులు, పెద్దలు, పండితులకు సన్మాన సత్కారాలు జరిగే ప్రదేశాలు, వేదఘోష, సత్వగుణ సంపదలు, క్రమశిక్షణ, కార్యశూరత్వం, సమయపాలనలోనూ మహాలక్ష్మీ దేవి నివసిస్తుందని పురోహితులు చెబుతున్నారు.

అందుచేత శ్రావణ శుక్రవారం పూట తులసీపూజ, ఆలయాల్లో పాలు, తేనెతో అభిషేకాలు చేయించే వారికి అనుకున్న కార్యాలు దిగ్విజయంగా పూర్తవుతాయని పండితులు సూచిస్తున్నారు. శ్రావణ శుక్రవారం పూట సూర్యోదయానికి ముందే లేచి, శుచిగా స్నానమాచరించి, ఇంటిని, పూజగది శుభ్రం చేసుకోవాలి.

గడప, పూజగదిని పసుపు, కుంకుమలు, పుష్పాలతో అలంకరించుకోవాలి. అనంతరం అమ్మవారి ప్రతిమ లేదా పటానికి కర్పూర హారతులు సమర్పించి, చక్కెర పొంగలిని నైవేద్యంగా పెట్టాలి. పూజా సమయంలో దుర్గాష్టకం లేదా ఏదేని అమ్మవారి శ్లోకములతో స్తుతించాలి.

ఇంకా శ్రావణ మాసంలో వచ్చే శుక్రవారాల్లో ఉపవాసముండి, అమ్మవారిని ప్రార్థించే వారికి దీర్ఘసుమంగళీ ప్రాప్తంతో పాటు ఆ గృహంలో సిరిసంపదలు వెల్లివిరుస్తాయని పురోహితులు అంటున్నారు. శ్రావణ మాసంలో ప్రతి శుక్రవారం మహాలక్ష్మీ లేదా అమ్మవారిని ఆలయాల్లో దర్శించుకునే వారికి పుణ్యఫలితాలు చేకూరుతాయని విశ్వాసం.

అంతేగాకుండా.. మల్లెపువ్వులు, కస్తూరి, జాజిపువ్వులను అమ్మవారి కోసం సమర్పించి, నేతితో దీపమెలిగించే వారికి ఈతిబాధలు తొలగిపోయి, అనుకున్న కార్యాలు నెరవేరుతాయని పండితులు అంటున్నారు.