FISH MUTTON PULUSU - KARI MEEN KULAMBHU RECIPE IN TELUGU

కరి మీన్ కుళంబు 
(చేప మటన్ పులుసు) 

కావల్సినవి:
చేపలు - 500 గ్రా.
మటన్ (బోన్‌లెస్) - 500 గ్రా.
కొత్తిమీర తరుగు - కప్పు
పసుపు - 10 గ్రా.
టొమాటో - 250 గ్రా.
బిర్యానీ ఆకు - 1
కరివేపాకు - రెమ్మ
గరం మసాలా - 5 గ్రా.
ఉప్పు - రుచికి తగినంత
నూనె - 150 ఎం.ఎల్.
ఉల్లిపాయలు - 250 గ్రా.

పేస్ట్ కోసం...
పచ్చిమిర్చి - 10 గ్రా.
ఎండుకొబ్బరి - 500 గ్రా.
మిరియాలు - 50 గ్రా.
చింతపండు - 50 గ్రా.
ధనియాలపొడి - 25 గ్రా.
అల్లం పేస్ట్ - 25 గ్రా.
వెల్లుల్లిపేస్ట్ - 50 గ్రా.
నూనె - 50 ఎం.ఎల్
ఉల్లిపాయలు - 250 గ్రా.

తయారి:
స్టౌ పై పాన్ పెట్టి, 50 ఎం.ఎల్ నూనె పోసి, వేడయ్యాక పచ్చిమిర్చి, మిరియాలు, అల్లం, వెల్లుల్లి, కొబ్బరి, ఉల్లిపాయలు వేసి ఉడికించాలి. తర్వాత ధనియాలపొడి, పసుపు, చింతపండుగుజ్జు వేయాలి. చల్లారిన తర్వాత ఈ మిశ్రమాన్ని పేస్ట్ చేయాలి. మరొక మందపు గిన్నెను స్టౌ మీద పెట్టి 150 ఎం.ఎల్ నూనె పోసి, ఉల్లిపాయలు, తమలపాకు, కరివేపాకు, మటన్, పచ్చిమిర్చి, టొమాటో ముక్కలు, ఉప్పు వేసి ఐదు నిమిషాలు ఉడికించాలి. అడుగు మాడకుండా కొద్దిగా నీళ్లు పోయాలి. మటన్ ఉడికిన తర్వాత పేస్ట్ చేసిన మిశ్రమం, చింతపండు గుజ్జు వేసి, కలిపి, ఉడికించాలి. వాసన ఘుమఘుమలాడుతుండగా చేపముక్కలు వేసి, నాలుగు నిమిషాలు ఉంచి, గరం మసాలా, కొత్తిమీర చల్లి దించాలి.