THOLI PODDHU TELUGU LOVE POETRY

తొలి పొద్దు పొడుపుతో 
నీ తీయని జ్ఞాపకాలు 
ముద్ద మంధారాన్ని 
ముద్దుగా ముద్దాడిన 
మంచు వర్షంలా 
మురిపిస్తాయి

నీ చిరు దరహాసం
ఆ మృదు మధుర మంధహాసం
నడిరేయి గిలి గింతలతో
గేలి చేస్తుంది
కలలను కానుకగా ఇచ్చి
కునుకును నీతో తీసుకువెళుతుంది
నిదురలేక కలలు రాక
కనులు కవ్విస్తూ
మురిపంగా వెక్కిరిస్తాయి

నీ తీయని పిలుపు కు
కోకిలమ్మ తీయని పాటలా
మూగబోయిన మనసు
మయూరిలా నర్తిస్తుంది
నీ అడుగులు సవ్వడి
నిదురపోయే హృదయవీణను
శ్రుతి చేస్తుంది
తీయని గీతాలాపన చేస్తుంది

నీ సాన్నిహిత్యం
మేఘమాలికల మారాములా
ముద్దుగా చుట్టేస్తుంది
మురిపెంగా మబ్బుల దుప్పటి కప్పెస్తుంది
నీ హృదయ పీఠిక పై రేరాణిని చేస్తుంది
కాలాన్ని ఒడిసి పట్టేస్తుంది
రస రమ్య కావ్యానికి
అందమైన రూపాన్ని ఇస్తుంది ,, ఉమ